【2025年3月經安老院一站通轉介，入住大埔區一私營護老院】
「我都苦惱，因為我先生唔想去護老院，一定要番屋企…長者家黃姑娘好細心咁了解我嘅情況，約咗時間嚟護老院睇一睇，住咗一排，我先生都願意住喺到。」–文太
一向行動自如的文伯伯在去年8月份被冒充客戶服務的騙徒騙取巨額儲蓄，突如其來的打擊令文伯伯精神出現失常，文太憶述「當時好快送咗佢去醫院，等佢食藥慢慢忘記呢件事，本應年底都可以出院…但佢喺醫院染上病菌同肺炎，開始咳、發燒。自此需要卧床，大小便、沖涼、落地都要人幫手，我又細粒，醫生認為我唔可以長期照顧佢。」在醫生建議下，文太開始為已留醫大半年的文伯伯著手尋找護老院，以應付出院後之照顧。
文太表示「我唔知最新嘅護老院情況，於是上網揾，見到「安老院一站通」就打電話去了解吓，由個案主任黃姑娘接我電話。佢好好人，耐心解釋俾我知道附近護老院費用比較貴，介紹大埔有幾間護老院都幾好，可以去睇睇先。」雖然文伯伯想回家休養，但由於家中沒有足夠的環境及人手配合，他也同意先在護老院居住。及後文太反映「我先生嚟呢到睇到都係獨立房間，有張獨立嘅床同櫃，都仲有少少地方做下運動，住咗一排，覺得姑娘好友善同細心，好關心人，對長者有耐性。佢哋好認真照顧長者，會幫佢洗衫、剪頭髮、一日五餐都準備好，令到我先生好開心。」
同時文太亦感恩「安老院一站通好好，可以介紹咁多資料，好多年前幫媽媽搵護老院要周圍逐間問，逐間搵。」文太感慨隨時變遷，護老院形式亦改變不少，「二十幾年前我媽媽住嗰間得格位，全部長者都訓喺到，而家好咗好多，有房有廳。」現在文伯伯各方面都交由護老院照顧，文太也從每日探訪變成隔日探訪，可以有多一些時間休息。
後記：訪問當天，看到文伯伯笑容滿面，也可自己慢慢地行出來迎接我們，相信他也逐漸適應護老院的照顧與生活方式，祝願他早日康復。